سااااااعدونا ياجماعة الخير
صبـــــــــاااااح الكادي
ياخواتــــــي ساعدونا مالنا بعد الله غيركم"حنا ثلاث خوات وكلنا نحيفات مره
هياكل الله لايوريكم لدرجة اني أنا ماأقدر أنام على جوانبي من العضمات الي بجنوبي والله متعبتني حيل"نفسيتي تعبانه وانا مالقيت لي حل
وصار كل لبسنا قمصان حتى لو يجي عندنا ضيوف وكله عشان خوفنا من شماتت الحريم من أجسامنا"
وحمواتي وخواتي من أبوي كله يضحكن منا مسمياتنا المعصقلات حسبي الله عليهم"وربي ياخذ حقنا منهم
الوالدة الله يطول بعمرها ماقصرت ودتنا لمعالجات شعبيات بس مانفع فينا شي
ادري بتقولون وراثه بس مافي العايله أحد مميز مثلنا.
والله ان الوالده مكسور خاطرها علينا بس تقول وش بيدي؟!!
بنات خواني نشوفهم بالزواجات صايرين اكبر منا مع انهم صغار وحنا بنات كبار أعمارنا من 23وفوق واجسامنا كذا"
اختي تقول بنستخدم حبوب أغادير وحنا خايفين إنها مضره..
فلحقوا علينا يالغاليات بخلطة اواي شي يسمن بدون ضرر والله صرنا مانروح للتجمعات وكله مشان نتفادى ضحكهم منا..الله يخليكم شوفونا حل ودنا نقهرهم لو مره.
تكفـــــــــــــــــــوووووون نخيناكم ياخواتي.
وابشروا بدعواتنا ودعوات الوالده ربي يقدرنا ونسعدها..ودنا نفرحها معنا..
رد مع الاستدلال
الروابط المفضلة