اختى الغالية منال
انا اول مرة اتكلم معاكى
اسمحيلى انصحك كأخت
مش معقول الدهون اللى تراكمت فى الجسم سنين
هتتهد فى شهر
يعنى انتىلازم تهدى و تمشى المشوار واحدة واحدة حتى لو طويل
ارجوكى بلاش رجيم 12 *12
اولا بيجيب اكتئاب و ملل و بيعصب لانك بتحرمى نفسك
و يعتبر انتحار بطئ
ممكن لا قدر الله تضعفى و تقعى مين هينفع اولادك لو تعبتى لا قدر الله
الصحة تاج على رؤوس الاصحاء لا يراه الا المرضى
الصحة نعمة من ربنا لو ما اهتميناش بيه يبقى احنا بنكفر بالنعمة
تعرفى ان فى القران الشكر لله مقابلة الكفر
{انا هديناه السبيل اما شاكرا واما كفورا}
{هذا من فضل ربي ليبلوني أأشكر أم أكفر}
اختى انا هقولك على فكرة
ممكن تعملى رجيم كيميائى بس مش 12 *12
و ممكن نشوف رجيمات سريعة شوية
و تحطى خطة
كل اسبوع تعملى واحدة منهم
لان الجسم لازم يتحير و تغيرى له السعرات عشان يحرق
لو موافقة ابحث و اجيبلك
ايه رايك
او ممكن تمشى على رجيم النقاط و انا انش اء الله او بنت الاحرار نساعدك فى الحسابات
انا ماشية عليه دلوقتى و الحمدلله حاسة بنتيجة
ها قولتى ايه؟
و كمان انتى بس زودى الرياضة و اهمها هو المشى
و بلاش تاكلى خضار نى انا كمان مش بحبه
ممكن تعملى سلطة اللى هى عبارة عن الخس او الكرنب المدور و تحطى عليها صوص عبارة عن معلقة صغيرة مايونيز لايت و معلقة زبادى و خل التفاح و ملح
ممكن كمان تزودى الفاكهة
يعنى فطار و عشا فاكهة
و الغدا تاكلى شوية رز صغيرين مع طبيخ بدون زيت و حتى اللحمة او الفراخ المشوية هتبقى تمام ان شاء الله
الروابط المفضلة