بسم الله .... والحمد لله
أختى مريومة....جزاك الله خيرا على هذا الموضوع
أنا معاكم وعندى إرادة وعاوزة أخس
أنا طولى 160 ووزنى 83 وعمرى 30 ومتزوجة ولدى عبدالرحمن 5 سنين وصفية 6 شهور
وخلال الفترة اللى فاتت مش عاوزة ابدأ من قبل الجواز وأقولك كان وزنى كام خلينا للى وصلت ليه المهم ...
بعد ولادة صفية بدأت اقرأ كويس عن موضوع الريجيم من خلال المواقع العربية والأجنبية أكتشفت عدة أشياء وحابة أكتبها لأنى عاوزة فعلا أخس والفكرة دى مسيطرة عليا فعلا ....
أولا .... يجب التخطيط الجيد للريجيم بمعنى يجب إعداد قائمة بالوجبات والتخلص من كل ما يفسد الريجيم من الثلاجة
ثانيا ... التنوع بمعنى سواء كنت ماشية على ريجيم من الدكتور أو حتى مخففة أكلك يجب التنوع فى شكل وتقديم وطريقة طبخ الأكل حتى لا نمل
ثالثا ... الواقعية بمعنى حين الألتزام بريجيم معين يجب أن أكون واقعية وأضع أهداف سهلة التحقق ومتدرجة أى واحدة واحدة
رابعا ... قرأت كم هائل من الوصفات والخلطات فاكتشفت عدم وجود حل سحرى للخسسان وإنما الأرادة هى أهم شىء
خامسا ..... الرياضة كلنا وقعنا فى فخ التبريرات زى كمان شوية - من أول الأسبوع - معنديش وقت - مش قادرة - وأنا أول من فعل ذلك مع إنى بموت فى المشى وعندى عجلة فى البيت ( مغطياها طبعا )
سادسا ... ودا أهم سبب أكتشفته بنفسى بفضل الله ... وهو أننا مش بنحب نفسنا كفاية بجد ووالله
لأنى كتير أضايق مثلا أو أكون فى مشكلة وعشان أصرف تفكيرى عنها أول حاجة أعملها أفتح الثلاجة وأشوطوبعد كده أكتئب وأزعل من نفسى
مريومة دى أول مرة أفتح قلبى فعلا وأكتب عن الموضوع ده لأنى عاوزة أحب نفسى بالمعنى الإيجابى لذلك أنا محتاجكم أوى ونفسى يبقى جنبى أصحاب يشجعونى
كمان أنا هادخل كل يوم بإذن الله أكتب يومياتى - انا ملتزمة دلوقتى بريجيم كنت ماشية عليه مع دكتورتى فى مصر
ودلوقتى أنا فطرت كوب شاى بحليب خالى دسم بملعقة سكر واحدة - ربع رغيف بلدى - 3 ملاعق فول بالليمون والبقدونس بدون زيت
وهادخل بالليل أكتب ما أنجزته لليوم وسوف أكتب بعض المقترحات للتشجيع
فإلى لقاء قريب
بحيرة القمر
رد مع الاستدلال
الروابط المفضلة