ازيكم اخواتى فى الله يا رب تكونوا جميعا بالف خير
و كل سنة و انتم طيبين
دى مشاركتى الرابعة فى طبق اليوم لشهر الصوم و هى
الجلاش الحلو بحشوة لذيذة و طريقة تقطيع سهلة

المقادير
لفة جلاش نص كيلو
الشربات او الشيرة
زيت او زبدة سايحة للدهن بين طبقات الجلاش
(انا هنا استخدمت زيت نباتى علشان عايزاه ناشف و مقرمش من بره )
الحشو
استخدمت حشو عادى بس باضافة مش عادية
الحشو العادى هو سودانى و زبيب و جوز الهند و الاضافة هى معلقتين قرفة
لا تتخيلو طعم القرفة فى الجلاش اد ايه روعة و الله كانه زى الجاهز






الطريقة

هنجيب الجلاش و نفرده و ندهن كل ورقة الجلاش زيت ما عدا جزء صغير عشان هنضيف فيه الحشو




و بعدين هنلفه رول و هنحط رول الجلاش فى صنيه مدهونه زيت و لما نخلص لف كميه الجلاش كلها
تقطعها بالسكين زى كدا و ندهن الوش زيت و ندخلها فرن ساخن طبعا







و طريقة التقطيع دى اسهل طبعا من انك تقطيعه بره الصنيه و ترصيه واحدة واحدة ..تمااااااااااام
******
و لما لونه يبقى دهبى نطلعه من الفرن و هنسقيه بالشربات البارد و مش نغطيه عشان يبقى مقرمش



و لما يشرب الشربات بتاعه دوقى باه الذ و اخف جلاش حلو دا غير القرمشة ممممممم












يا رب موضوعى البسيط يكون عجبكم
فى رعاية الله و حفظه
احبكم فى الله