النت عندي كتير بطئ انا هلا حاعيد الموضوع من تاني لانه ما بعرف وين راح
مقادير الشيشبرك
2 كاس دقيق + ملح + ماء نعجنهم مع بعض الى ان تتكون عجينة متجانسة وناعمة نغطيها ونتركها ترتاح لمدة ساعة او اقل شوي [/center]
اكون جهزت فيها اللحمة نفس طريقة حشو الكبة بس بنضيف الها صنوبر مقلي
الآن العجينة ارتاحت افردها على سطح مرشوش بالدقيق على قد ما اقدر
واقطعها باصغر كاسة عندي متل بيالة الشاي كما في الصورة
واحشيها باللحم المفروم واغلقيها متل القطايف ولمي طرفيها مع بعض حتى يتكون لديك شكل البرنيطة
الطاقية واستمري في الحشو حتى تنتهي الكمية كلها واصفها على صينية مدهونة بقليل من الزيت وادخلها الفرن لمدة 5 دقائق فقط من فوق حتى تنشف قليلا متل الصورة
وفي هذه الاثناء اعمل اللبن
طريقة اللبن
احضر كيلو زبادي ويفضل النوع الحامض متل زبادي الفلاحة او زبادي جمجوم للمقيمات في السعودية
4 اكواب ماء
بيضة + م ك نشا ( كورن فلور ) + مكعب ماجي + بهار ابيض + ملح
5 فصوص توم مهروس + 1/2 حزمة كزبرة خضراء مغسولة ومفرومة وممكن تستبدليها بالنعناع
الناشف
طريقة طبخ اللبن
اضع المقادير كلها في الخلاط واخلطها جيدا ثم اضعها في قدر على النار واحركها بمضرب يدوي وهذا
مهم واستمر في التحريك حتى يغلي اللبن قليلا
اضيف الشيشبرك بالتدريج الى ان تنتهي الكمية كلها واتركها تغلي لمدة 1/4 ساعة على نار هادئة
وهاي شكل اللبن مع الشيشبرك
اقلي التوم والكزبرة الخضراء في ملعقة من الزبدة او السمنة واضيفها الى اللبن واطفئ النار
وهيك اصبح الطبق جاهز للتقديم انا قدمته مع ارز ابيض بالشعيرية
لو لاحظتم انا عملته طريقة مختلفة شوية
انا كنت عاملة كبة مقلية فطبختها مع الشيشبرك وطلع طبق كتير شهي وجديد ولذيذ
قليت الكبة مع مراعاة يكون حجمها صغير وبعد ما اضفت الشيشبرك بِ 5 دقائق ضفت الكبة المقلية
للبن وتركتهم يغلوا لمدة1/4 ساعة فقط على نار هادئة وضفتلهم الكزبرة مع التوم المقليين
وعملت هنا كاسة دقيق فقط للشيشبرك لاني كنت مخططة اعمل معاه كبة
وان شاء الله يعجبكم الطبق
جربوه يا حلوين
وكل رمضان وانتم بخير وينعاد عليكم بالخيرات والمسرات
ولا تنسوني من خالص دعائكم
رد مع الاستدلال
الروابط المفضلة