مشكورة آلاء على الموضوع المفيد
انا بصراحة ضد التلخيص جملة وتفصيلا
لانه ممكن يكون مفيد ما اختلفنا بس فائدته تكمن من بعد الدراسة اذا حب الطالب يسترجع المادة بدماغه بشكل سريع بيطلع على التلخيص الي بحفز الدماغ على تذكر المادة من خلال تذكر الاساسيات
اما انه نتعود عليه دائما فهاد شي مو كويس ابدا
لانه لو بتلاحظوا اغلب الجيل الصاعد حاليا بده كل شي على البارد المبرد ما بده يتعب ولا يحرك مخه
ولا بفكر حتى يوقف عند اي نقطة خلال دراسته ويفكر فيها
فبنيجي نحنا وبنحكيلهم نوموا مخكم بزيادة وخدوا هاد التلخيص وانجحوا
انا معي بكالوريوس هندسة وطول فترة دراستي ما اعتمدت على التلخيص ابدا
مع انه الدكاترة كانوا يلخصولنا المادة احيانا بدوسيات من 200 او ا150 صفحة بس عمري ما لجات الها
لانه بتضل المعرفة ناقصة لو حتى معلومة وحدة
هاد مجرد راي وبرايي هو الانسب
ومشكورة الاء مرة تانية على الموضوع
الروابط المفضلة