تجرتبي مع ليزر fractional co2في عيادة الإستشاري وبالتفصيل ومع الصور ღ تجربة متميزة ღ

[ليونه وبروكي]

السلام عليكم ورحمة الله وبركاته

بنات انا عندي شوية لاثار (بقع مع ندب نوع متوسط )+ مسامات مفتوحه وتبقع ونمش ع الوجنتين والانف ..

المهم من زمان كنت افكر اعالج بالليزر وتقنية حديثه لاني قد رحت لخبيرة تجميل رومانيه كنت ابغى تتنظيف للبشرة ولما شافت وجهي قالت لي عندك نمش وتبقع قلت : وش رأيك انتي وش افضل علاج للنمش ..

قالت شوفي حبيبتي اقدر اعطيك كريمات وتكلفك 1000ريال للعلاج وعلى مدى بعيد ولازم انتظام ...
لكن انصحك للنمش والتبقع استخدمي الليزر .افضل واسرع نتايج واقل تكلفه من حوووسة الكريمات .

المهم طنشت ونسيت الموضوع بعد فترة رحت اتعالج بلليزر لازالة الشعر عند عيادة ايما اللي في طريق الملك عبدالله وتذكرت كلام الخبيره لي

وبحثت في الانترنت وقريت في الاعلانات عن علاج للبشرة الفراكشنال ليزر تقنيه حديثه لصنفرة البشره فسألت الدكتورة ( ضحى ) اللي في عيادة ايما عنه قالت موجود الجهاز في عيادة جوفا ومو موجود عندنا غير التقشير ..

بعدها بفترة اختي كانت تدور تشقير للحواجب يدوم اطول فترة ممكنه من شهر الى شهر ونصف وكلمت العيادات حصلته في عيادة جوفا وعيادة الاستشاري وبالمره سالتهم عن ليزر التصبغ للبشره قالت عندنا..

اخلصي <<< كثرت هذرره

المهم كانت عيادة الاستشاري اقرب وبنفس الوقت اضرب عصفورين بحجر تشقير وليزر البشره فراكشنل

واخذت موعد الاربعاء لما جيتهم كانت العيادة زحمه والوقت 12 الا ربع الظهر فتحت ملف بمائة ريال وقابلت الدكتوره سهام ولما شافتني قالت تبين تقشير او الليزر قلت اكيد الليزر قالت : الليزر متى تبغين تسوينه قلت لها من اللحين ...

هههه ضحكت وقالت : اللحين مايصلح لانه وقت ظهر ولازم ماتعرضين للشمس بعد العلاج على الاقل خمس ايام ووجهك بيكون حار يومين ولازم ماتلمسين الماء مدة 12 ساعة يعني انسب وقت لك بعد صلاة العشاء 8 الليل ترجعين وبنحط لك مخدر موضعي كريم على الوجه مدة نصف ساعه ثم نبدأ نعمل الليزر فراكشنل fractional co2 المهم ماتتاخرين لاني دوامي ينتهي 9 الليل ...

توكلت على الله واخذت موعد على سبع ونصف اجيهم واحط المخدر نصف ساعة ثم نبدأ ......(( طبعا لعمل الليزر افضل يكون المساء لأنه البشره بتكون حساسه وماتستحمل الشمس حتى لو حاطه واقي شمس و الاهم انه ماتقدرين توضئين في هالوقت ولاتلمسن موويه ))

وقالت بتكلفك الجلسة 1500 ريال وتحتاجين 4 جلسات ... مدة كل جلسة والجلسة الثانيه من شهر الى شهر ونصف ..

قلت يالله بجرررب :

وبعدين رحت لهم العيادة وحطت الممرضه لي كريم مخدر نصف ساعه ...

بعدها خذتني النيرس عشان انظف وجهي من المخدر بقطن معقم ..

ومن عقبها خذتني الى غرفة :

Fractional CO2 Laser

وهذي صورة الجهاز نفسه ولكن اللي في العياده لونه ابيض في رمادي :

ومن بعدها بدأت تشتغل الدكتوره بوجهـــي وانا قلبي يدق وشويه بيطلع من مكانه :

وهذا الفيديوووو يوريكم نفس الدكتوره يوم كانت تشتغل بوجهـــي :

والمده اللي خذتها تقريبا 15 دقيقه فقط وخلالها حسيت حرقو لي وجهي ..يعور مووووت هالليزر ...وهي تسوي وانا انتفض وارتعد كانها تكويني كوي
ولكن في العمليه يوم تمرر الدكتوره الجهاز كنت احس بعوااار ولكن بنفس الوقت يختفي ... وهي مثل وخزات الدبور او النحله او الابره ولكن بعد تمرير الهواااااء الباااااااااارد يروح بوقته العواااااار ... وكنت ابيها تخلص باسرع ما يمكن مستعجله ابي اشوف كيف يصير وجهي...

وعقب ما خلصت حسيت بحراره ولكن النيرس حطتلي كريم مهدء :

Fucidin – LOE

اللي عليه رسمة الاسد ....بوريكم اللحين
ومن بعدها طلبت مني الدكتوره ان ارتاح 3 ايام متواصله يعني الخميس والجمعه والسبت ولا اتعرض للشمس ابدا ابدا... وطلبت مني الدكتوره اني ما اغسل وجهي بالماء ابدا" ابدا" إلا اليوم الثاني وبنفس الوقت اللي خلص فيه العملية ..وقالت لي اشتري المرهمين واستخدمهم مرة صباحا ومرة مساءآ ... وهاذي صورة المرهمين

مرهم ميبوو : مرهم برائحة السمسم ونضعه اول شي .. عشان الحراره والحروق ويرطب الوجه بشكل فضييع

مرهم ليووو برسمة الاسد : يستخدم بعد وضع مرهم ميبوو على طول تحطين وراه

لالالازم تحطين هالمرهميين ... لا تقولين تعاجزت وما فيني ... لان هذا لمصلحتك وعشان وجهك يترطب بسرررررعه

وبعد العمليه الوجه راح تشوفينه شـــد وانتفخ ... وهذا الشي يسبب بظهور نقااااط بسيطه من الدم ... لا تخافين لان هذا يدل على استيعاب وجهك للعلاج

الصراحه ما عرف وش النتيجه قالت لي المهم ان بشرتك

1-ماتلمسها مويه اقل شئ 12 ساعة
2-ولاتعرضين للشمس على الاقل خمس ايام
3-ولاتحطين مكياج اسبوع
4-غسلي وجهك بعد 12 ساعه بمووويه باارده
5- وداومي على الكريم الواقي
6- لاتزيلين شعر وجهك ولاتشقريه ابدا لمدة اسبوعين ..

و تعالي بعد شهر اوشهر ونصف نسوي لك الجلسة الثانيه ..

..والله يستر ادعو لي اتروح التصبغات نهائيا لاني مابا اسوي جلسات زياده ..والله حسيت فلم رعب كلي على بعضي كنت ارتجف وحسيت بالم يوووجع مررره وقلبي اسمعه طق طق ... وانا طالعه اقول بنفسب والله ماراح اجرب مره ثانيه اخاف من الالم كانه حرررق ...ان شاء الله كل شي يروح ولااحتاجه مره ثانيه

المهم لما كلمت زوجي وجاني وركبت السيارة يالله موقادره احط الغطووه على وجهي من الحراره كاني محترقه كشفت غطوتي على فتحة المكيف ..وابكي اح اح ... انخرررع زوجي قال وشفيك كانك محترقه ؟؟

• بس اهم شي تبتعدين عن الصغاررر عشان ما يخافووون من وجهك ولا يشوفونك كبار السن عشان ما تسوين لهم افلام رعب لانه بصراحه امي وخاتلي انهبلو من وجهي وهاوشوني ..

• ولان اللي عندي في البيت كل احد يشوف وجهي ينصدم ( اللي يحسبني حرقت نفسي
واللي يقول وش فيك قاب بوجهك الغاز هههههههههههه –
واللي يعوره قلبه يوم يشوف وجهي يحسبوني أتتألم بقووووه هههههههههه)

اليوم الاول الاربعاء:

وجهي احمر واتنفخ .والالممممم. اح اح حرااااررره..ومقابله المكيف لمدة ساعتين

المهم

خف اليوم الثاني شوي بس ماراح بس كانه داعسني كفر سياره صار كاروهات....

اليوم الثاني: الخميس

صحيت الصبح شفت وجهي محمر واثار حرق فلم رعب هههههه وطبعا مستمره على الميبو والفوسيدين . وفي الليل صاار بني بقع وخطوط

اليوم الثالث: الجمعه

صحيت شفت انه الاحمرار خف بس اثار الجهاز بعدها ( اللون البني المحترق) ...على اساس انه التقشير يصير بكره

واليوم السبت اليوم الرابع

بدأ التقشير وشد الوجه وطلع نقاط دم ... والم بسيط ..

وان شاء الله بخبركم عن بكره اليوم الخامس: _ وش التغيرات اللي حصلتلي

وان شاء الله يا خواتي يتعدل وجهي ويتحسن لاني تركت الدوام هالاسبوع بعد اخاف الطالبات ينخرعون من وجهي ... اللي كانه داعستني كفرات سياره خخخخ وغير التقشير والالم لازم مقابله المكيف .. وكمادات ثلج ... اح اح من بغى الدح والله ماقال اح ...
ههههه
والله ماكنت اتوقع الموضوع يحتاج اسبوع لاسبوعين ع بالي يومين وبس ... والسلام

ملاحظه : بعد العملية حسيت انه وجهي انتفخ شوي ...يعني امتلى .. لآن الدكتوره قالت الجهاز يشد البشره ويخفف التجاعيد بعد ....لا تحسبوني عجوووز انا تووي 29 سنه ههههه شباب ...

عاد قلت لزوجي الحقني على الصيدليه بجيب هالعلاجات ... اللي كانت كاتبتهم لي الدكتوره وشريتهم من صيدلية الجلديه اللي بجنب العياده ولما كنت احاسب قالي 615 ريال قلت وش ؟؟؟ قال ليش متفاجئه كريم التفتيح لحاله سعره ب400 ريال قلت حررااام قبل شوي طالعه من عملية ليزر حقها 1500 ريال واللحين العلاجات 615 ريال لا ومالقيت الواقي عندهم الكريمي لقيت السائل وطلعت واخذت العلاجات وقلت يالله بشوف اخرتها مع هالدكتوره ورجعت للدكتوره وقالت لي اذا تبين بديل لاوباجي عادي قلت لا خلاص قالت عموما العبوه تكفيك شهر وتمسحي بالقطنه تمرريه على وجهك خفيف قلت اوكي الله يعني اهم شئ وجهي يتحسن والحمدلله لقيت الواقي وشريته يعني كملو علاجاتي 735 ريال وهذي العلاجات اللي كتبت لي عليهم ومن المفروض انهم يعطوني كريم الفيسودين والفيوسكيرت على الاقل لكن ماوراء هالعيادة غير الشفط من الفلوووس :

1- كريم فيوسيدين وسعره 15 ريال تقريبآ

2- كريم فيوسكيرت سعره 20 ريال تقريبآ

3- كريم التفتيح الامريكي من اوباجي 3رقم وسعررره غالي 395 ريال

4- كريم تفتيح الامريكي لما حول العين وسعره 180 ريال وهذا اسمه Exuviance Brightening Bionic BIONIC EYE CREME

5- واقي شمسي : BIODERMA PHOTODERM MAX وسعره ب125 ريال

طووووولت عليكم اعذروني

وادعو لي بس يتحسن وجهي وانشاء الله ترضيني النتيجه ...

__________________

[سماء صافيه]

انشالله یتحسن وجهک یالغلا
وخبرینا بکل التطورات
والجلسات الثانیه
تسلمین علی هذا الشرح الوافی
واسلوبک رائع یشد القارئ ههههه
الله یقومک بالف سلامه.

[ليونه وبروكي]

انشالله یتحسن وجهک یالغلا
وخبرینا بکل التطورات
والجلسات الثانیه
تسلمین علی هذا الشرح الوافی
واسلوبک رائع یشد القارئ ههههه
الله یقومک بالف سلامه.

الله يسلمك ونورتي متصفحي ....

وربي يسعدك يالغلا

[قرب]

االله يسر أمورك وتشوفي نتيجه تسرك وتنسي معها كل التعب ...
وطمنينا يالغلا ...

[ليونه وبروكي]

قرب

الله يجزاك خير على هالدعووه والله يسمع منك

شاكره مروررك

[ليونه وبروكي]

بنات اليو م الخامس صحيت ولله الحمد خف التورم والاحمرار بسيط والتقشير مستمر لكن اخف من امس بكثير

ومعنوياتي ارتفعت ولله اللحمد والمنه

والله ينفعني وتصير بشرتي حلوه ونظره ..وصافيه

شاكره تفاعلكم

[قرب]

الحمد لله ...
الله يتمم عليك ..
والله فرحت لك يالغلا ...
بنتظااار البشاير ...

[سماء صافيه]

اختی العزیزه انا عندی اثار حبوب الشباب علی وجهی
والاثار هذی مثل الثقوب الصغیره بوجهی وفعلا معقدتنی
ماخلیت شئ ماعملته
خلطات وکریمات ودکاتره ومافی فایده
نصحونی باللیزر
بس خایفه منه وبعدین تکالیفه عالیه
اخاف اخسر فلوسی ووجهی ههههههههههههه
ارید اعرف النتیجه حتی اتشجع لو اعمله لو لا؟؟؟؟
مشکوره یالغلا.
انشالله تظهر البشایر بسرعه ونفرح فیکی.

[غــــــــــرووب]

فيييينك انتي من زماااااااان يابنت الحلال
هذا الموضوع الي شاغلني من سنوان ... ياستي انا حكايتي مثل حكايتك مافرقت بس انا كان وجهي كله حبوب واحلم بصفاء الوجه المهم صرت اراجع عند عيادت دكتور معروف نصحني بالتقشير باحماض الفواكه وبرضو منعني لااخرج لأشعة الشمس كنت ادرس بمدرسه فناءها مكشوف ولمن بخرج من الحصه اغطي وجهي بالكتاب فشله لدرجة الرعب الي انتي عشتيه بحس بوخز قوي مع الحراره استفسر من الدكتور بيقلي عادي لا وبعد صارت البشره سودا بنكحلها عميناها وهاتي على المراهم والتونك بعدها نصحني بالتقشير بالكرستال طبعا اخت امكن 5 جلسات تقشير احماض المهم انا اهز له راسي يالله ابي بشره صافيه من الحبوب مش من اثار الحبوب حطي تحتها خطين كان عمري 25 وبعدها 3 جلسات تقشير كريستال انا مش عارفه ليس سموه كريستال وهو كأنه ملح على الوجه طبعا مثل ماتفضلتي تقشر الوجه بس كانت ممتعه مافيها رعب ماهي مكلفه جلسة الأحماض ب100 وجلسة الكريستال 200 بعدين قلي خلاس باقي الليزر بس ماعنده الجهاز وقت مايوصل الجهاز نتصل عليك وليومك هذا افكر اغامر واسوي ليزر بس ماتوقعته مكلف لها الدرجه هذا يبيله ميزانيه ويبيله وظيفه مال الكروهات والكفر والتنفخ الله يحفظنا
شوفي ترى انا متابعتك بس هاااااااااااه نبي النتيجه بصراحه اخاف يصير وجهي مثل الممثله الكويتيه الي تنفخ بعدها وجهها وسمر تكفييييين خدودي مليانه أثار حبوب ومسامها مفتوحه بس المشكله وجهي اكيد مايتحمل جدا حساس انا لمن بسوي تنظيف بشره استحاله اسوي بعده شمع الا بعده بساعه يتنفخ ويحمر مره طري مايتحمل اخاف الليزر يظره بس الوخز عادي ودي اغامر بس المهم النتيجه .
الله ينولك مرادك ويسر خاطرك امين ونفرح بسلامتك

[خوخه24]

ماشاء الله عليكي مغامره
ماافكر اغامر مررره اخاف
والحمدلله على سلامتك وان شاء الله تشوفي نتايج حلوه..