[مجموعة] مين عندها ارادة قوية؟ جروب جديد
السلام عليكم ورحمة الله اخواتي الحبيبات
انا ان شاء الله هابدا نظام ريجيم من يوم السبت اللي جاي 30-10
النظام ده هايبقى من دكتور ريجيم هاكتبهولكم يوم الخميس ان شاء الله
مين اللي حابب يبدا معايا ونشجع بعض؟؟؟؟؟؟؟؟؟؟
واللي تحب تشترك معايا تاكل اللي في نفسها من دلوقتي لغاية يوم الريجيم هههههههههه بس مش قوي يعني
بس لازم بجد ياجماعة الارادة القوية بجد واننا نتغلب على الشهية المفتوحة ليل ونهار ونشجع بعض
وهايبقى عندنا يوم فري كل اسبوعين ناكل فيه كل اللي يعجبنا
بس برضه اذا قدرنا نعمل رياضة يبقى يارررريت على الاقل ربع ساعة
وان مكنش في امكانيات من الذهاب للجيم او امتلاك جهاز رياضه خلاص افتحي الكاسيت وارقصي
او ارقصي وانتي بتشتغلي شغل البيت او غسيل الصحون وهكذا المهم اي حركة اكيد بتفقدي فيها عدد من السعرات
وانا عندي معلومات معقولة عن الريجيم من كتر ماعملت وجاهزة لاستفسارتكم ومحتجاكم جنبي تشجعوني وانا بجد عندي ارادة قوية المره دي
اللي تحب تشترك معايا ياريت تتفضل بكتابة اسمها ووزنها وطولها وسنها
يلا نبتدي بشوية قواعد
اولا
كل واحدة تحاول تلتزم بالريجيم على قد ماتقدر وبلاش لغبطة بس اذا حصل وقدامك طبق محشي مش قادرة تقاومية خلاص يبقى كفاية عليكي محشيياية واحدة وكملي الريجيم وعفا الله عما سلف بمعنى انك لو لغبطتي تمالكي نفسك مرة اخرى وكملي الريجيم وماتياسيش
ثانيا
عايزة من كل واحدة انهها تدينا معلومة عن الريجيم والدهون لان كل مانقرا كل ماهنشجع بعض وتقوى عزيمتنا
ثالثا
شرب 3 اكواب من الشمر يوميا
رابعا
لازم تعرفي ان جسمك متمسك جدا بالدهون ومش بسهولة هيتنازل عنها علشان كدا لازم تعانديه وتقاومية حتى الانتصار عليه وهزيمته
خامسا
بلاش تحطي في دماغك ان انتي هاتخسي كتير في الاول بمعنى ماتحطيش في دماغك انك هاتخسي 5 كيلو في اول اسبوع لان ممكن بعد ماتوزني تلاقي نفسك خاسة اققل من كده وتصابي باحباط وماتقدريش تكملي فالعكس احسن حطي في دماغك انك هاتخسي كيلو واحد علشان تفرحي لو خسيتي اكتر وماتزعليش
سادسا
اول ماتضعفي قدام الاكل اتخيلي نفسك وانتي رشيقة وقوامك رائع وان الناس كلها بتسالك عملتي كده ازاي وبصي للاكل باحتقار
سابعا
كل ماتجوعي افرحي اعرفي ان انتي دلوقتي بتخسي وقولي يارب
ثامنا
ممكن تخسي في الشكل والميزان بس ماتخسيش كتير على الميزان وكده تبقي ماشيه صح لان الدهون وزنها خفيف فلما يحصل كده معناه انك بتخسي من الدهون بس وعضمك وعضلاتك ثابتين مابيخسوش لان العضلات تساعد في حرق الدهون وكمان عايزين نحافظ على عظامنا غلشان نبعد عن الهشاشة
اللي عندها نصايح وتحب تزود ياريت ماتبخلش علينا
وانتظروا الرجيم يوم الخميس
يلا ياتختوخات مين عندها اراده ونبتدي من يوم السبت؟؟؟؟؟
رد مع الاستدلال
كتبت بواسطة لولو وننه
الروابط المفضلة