مسابقه الرابح الاكبر الجزء الاول مطلوب مشتركات جادات وشكرا البدايه يوم السبت

[healthy]

مين فينا مابيفكرش فى الجسم الرشيق المرسوم مين فينا محلمش جسمه يبقى زى فلانه وعلانه بدل اللى فى الصوره دى
مين فينا ماتعرضش لموقف حسسه انه محرج بسبب وزنه سواء حس دا بنفسه او حد سخيف استظرف وحسسه بيه حاسه انك تستاهلى تقدير من الناس حوليكى اكتر حاسه انك محتاجه اعادت تقييم لذاتك
بتكسفى من نفسكروحتى تعملى شوبينج مره ف محل شيك ولاقيتى حد بيبصلك بتهكم وقالك لا يا فندم مافيش حاجه مقاسك او بنت سخيفه عوجت شفايفها ايماءا انك اوفر اوى انك تفكرى تمسكى القطعه دى
ولا حدش قلك وانت بنت 20 سنه مثلا لا يا فندم دا بناتى امال انت ايه
رجعتى كام مره معيطه من مشوار زى دا
كام مره قررتى بكره هبتدى وبكره ده مابيجيش

تعبتى من الوقوف امام المرايا !!!

نفسك تبقى كده تلبسى كده

من قياس جسمك من الطلوع على الميزان كل 5 دقايق زى تمام
نفسك تطلعى لسانك للكام كيلو اللى قرفينك
اللى خسو وحققو هدفهم مش افضل منك
انت مش ناقصه عنهم حاجه خااااااااالص
تعالى نستفيد من تجارب الناس الناجحه دى ونحقق حلمنا بس ف صوره مسابقه لطيفه حماسيه
تعالى معانا هنا يمكن!!!نقدر نعمل شىء
فكرت فى الفكره دى من وحى البرنامج الشهير الرابح الاكبر اللى كلنا التفينا حواليه ومين معجبتهوش الفكره !!
فريقين فريق احمر و فريق ازرق
كل فريق مكون من 10 أفرد من الجادات لان اللى مش هيلتزم هيتعرض للطرد و مش مسموح بالخبطه عن الرجيم اللى كل واحد متبعه باكتر من مره والا تعرض للطرد بعد عمل لجنه واالحكم الاساسى هو الوزن ف نهايه الاسبوع لو اسبوعين ورا بعض لم ينزل وزنك هتكونى معرضه للطرد مش مسموح بالدمار وشعور الضياع اللى احنا بنحط نفسنا بايدنا فيه
المنافسه هتكون لذيذه
المسايقه هيبقى دمها حامى وكل فريق هيحاول يرفع فريقه حتى لو غلس بلزازه طبعا على الفريق التانى
لازم الكل هنا يكون عارف ان دى مسابقه مش مكان للدردشه ابدا الا فى حدود بسيطه
عايزين
الفريق الاحمر يكتب بالاحمر و دا اساسى
الفريق الازرق يكتب بالازرق ودا اساسى
وكل واحد لازم يحط شعار فريقه
ولازم يكون عامل شريط بالوزن الجديد الجديييييييد لازم لو مش عارفين ازاى نحطلكم الرابط بتاعه
الاولويه للوزن الكبير والتقييل والللى عنده امكانيه تصوير الميزان
كل واحد يتبع الدايت اللى حابه هو حر بس فى نظام لازم فى بدايه الاسبوع هتحط الرجيم اللى ماشيين عليه لاسبوع كامل
واخر الشهر هيحط تجميعه لرجيماته وخسر كام كيلو على كل واحد ف رد واحد لازم
فى حصانه لصاحب اكبر خساره ف الوزن صاحبها اكيد مش هيطرد حتى لو لخبط وهيكون صاحب الكلمه المسموعه ف طرد او عدم طرد البنت اللى لخبطت
المهم نفسى تكون مسابقه جاده ولذيذه
الرياضه شىء ضرورى لمصلحه فريقك
وكل اسبوع اللى هتفوز هتاخد حصانه + لقب غزال الاسبوع وهيتحط اسمها بالقب ف توقيعنا جميعا
تكريما لها والرابحه الكبرى (هنفتحلها )مكافأه لها موضوع باسمها وتجربتها وسوف توتوج بتاج الرابح الاكبر
الشروط هى:
ü الالتزام التام وعدم التخبيص ههه
ü التقيد بالفريق والكتابه بلون فريقها
ü وضع شريط الوزن و الشعار الخاص بالفريق فى التوقيع واسبوعيا وضع اسم الفائز
ü سيتم طرد البنت اللى هتلخبط اكتر من مره ف الاسبوع حتى لو انا جدا
ü الامانه ف كتابه اليوميات وتبقى محدده و باختصار مع الكميات ومع روح الدعابه والتحدى
ü الاولويه لاصحاب الوزن الاثقل بمعنى هتكتبو اوزانكوم ولو فيه عدد كبير الاولويه للوزن الاكبر
ü الالتزام بوضع الرجيم المتبع كاملا اسبوعيا والاربعه انظمه شهريا يوم 1من كل شهر
ü اللى مش هيوزن كل جمعه اسبوعيا ويحط الوزن مافيش حجج هيطرد هيطرد بس الاول اللجنه تقرر
ü اللى هتغيب اكتر من 3 ايام هيتشطب اسمها مافيش حجج طبعا بعد المداوله وهيتم اعلان
ü طلب الالتحاق بالمسابقه هيكون مستوفى الاتى
الاسم الطول
الوزن الحالى الوزن المرغوب فيه
لون الفريق اللى حابه تنضميله
كتابه موافقه على كل الشروط وعمل شريط للوزن وكتابه امكانيه تصوير الميزان
البدايه مبدأيا يوم السبت حتى لو لم يكتمل العدد هنقسم بعض
يلا بسم الله نبتدى
1 .الاسم :شيماء الطول:160
الوزن الحالى:104 كيلو وهوزن عند بدايه المسابقه قبل البدايه
الوزن المرغوب فيه:75 كيلو
لون الفريق اللى حابه تنضميله: الاحمر
كتابه موافقه على كل الشروط وعمل شريط للوزن وكتابه امكانيه تصوير الميزان :موافقه على كل الشروط وهبدأ بعمل شريط الوزن ومستعده لتصوير الميزان
ارجو كتابه البيانات بنفس الطريقه والنظام يلا سجلوا معانا

[/RIGHT]

[RIGHT]

الوزن كل جمعهوممكن نتناقش ف يوم الوزن ونتفق