[تجربة قيمة] قصتي مع نقص فيتامين D وتجربتي في علاجه

[بنت نجد2012]

قصتي مع نقص فيتامين D وتجربتي في علاجه

السلام عليكم
نقص فيتامين D
مرض صامت منتشر بشكل كبير في الدول الباردة وحتى في الخليج
حتى اني قرأت انه 80 % من سكان الخليج مصابين فيه
تخيلوا النسبة العاليه مع اننا نتمتع بوجود الشمس عندنا بس سوء اسلوب حياتنا اثر علينا ,,,
مريت بأزمة صحية أثرت على حياتي وحبيت انقل تجربتي لكم حتى تستفيدون منها
وتنتبهون لنقص هالفيتامين الهام للجسم والي عده بعض الاطباء بهرمون لاهميته وتأثيرة على الجسم
من مدة طويله حسيت بالم في عظامي وخمول وتعب من اقل أي جهد ابذله
اصابني اكتئاب وهم وأرق واحس ان الموت قرب وجلست فترة طويله على هالحال
بعدها رحت طبيبة عامة وقالت بنفحص لك عن الغدة وطلعت سليمه بعدها حللت فيتامين D والهموجلوبين وطلعت نسبة D متندنية بالمررررررهوقالت انه هو السبب
اعطتني الفا ون كم شهر بس تحسنت بنسبة بسيطة بعدها رجعت لها وغيرت لي واعطتني النقط اشرب قارورة كل اسبوع
والحمد لله تحسنت كثير وخاصة الانهاك والخمول وقلة النوم والارق
بنات ارجوكم اهتموا بصحتكم وتعرضوا للشمس واهتموا بتغذيتكم
ترا اسلوب حياتنا شين معتمد على الخمول وقلة الرياضة واكل المطاعم الي جاب لنا المرض
وياليت أي وحده لها تجربة في هالمرض تكتب لنا تجربتها وكم نسبة الفيتامين عندها ومن عالجت عنده
انا عالجت عند طبيبة عامة في مستشفى الحبيب اسمها روبينا
وناوية اكتب في كل المنتديات انبه عن هالمرض واعراضه