طبخة لبنانية اسمها مخبوصة بالعدس البني حد بعرفها ؟؟؟؟

[الحياة كلمات]

السلام عليكم بنات

بدي اسالكم اذا تكرمتم في طبخة لبنانية اسمها المخبوصة بنطبخ فيها العدس البني و بتكون مرقة متل شوربة كثيفة و يمكن بيحطوا فيها شوية رز للتماسك و بعملولها تقلاية توم و كزبرة حد بعرف الطريقة تحديدا بديش اجرب و اخرب هههه الله يرضى عليكم و بارك الله فيكم

[عاشقة الحلويات]

أنت حطيت طريقة من دون ما تحسي

إذا تذوقتيها من قبل حكمي تذوقك لما تساويها

أنا بصراحة ما بعرفها أبداً

[اريج الشام]

ما عندي اي فكره بس مبين عليها سهله
مخبوصة يعني فيكي تحبصي فيها على كيفك

[مـiـى]

السلام عليكم و رحمة الله وبركاته

اختي يا ترى قصدك على المصفاية , أو المجدرة المصفاية ؟؟

[Ammoon]

حبيبتي هاي منسميها الجدره المصفاه مثل ما قالت العزيزه منى و هي من احب الوصفات لي هذه طريقتها
1 كوب عدس بني
نصف كوب رز مصري
يغسل العدس و يسلق حتى الاستواء ثمم يدار بمصفاه البندوره اللي بتلف و الها يد او انك تخلطي بخلاض العصير و بعدين بتصفيه في المصفايه و اذا كان تقيل كتير زيدي ماء
بتكوني غاسله الرز و ناقعتيه ثم تضيفي الرز على العدس و تضيفي ماء و تتركيه ينطبخ على مهل مع تحريكه كل فتره حتى لا يلصف الرز حتى يصبح قوامه مثل المهلبيه الثقيله

لا اذكر اذا كنا نقلي له ثوم و كزبره او بصل محروق على الوجه و لكن بيكون طيب مع سلطه فلاحيه او سلطه ناعمه وهي عباره عن بندوره و خيار و بصله و سن ثوم يفرموا ناعم جدا ثم يتبلو بعصير الليمون و زيت الزيتون و الملح و رشه نعنع و صحتين
ملاحظه من الممكن ان تضيفي الرز بعد ان تفلفليه بالاول اي تطبخيه بالاول كانك عم تعملي رز ثم تضيفيه و تخليه يغلي مع العدس على مهل حتى يثقل قوامه هكذا ياخذ وقت اقل ارجو ان اكون قد افدتك